譚輝智(左)、羅啟豪終於合體，即奪全場最高91分。
昨晚播出的《中年好聲音2》，是第八部曲第二回「中一生助陣人生之歌！爭入十四強！」下半場，經過一輪激戰，與羅啟豪合唱《今天等我來》的譚輝智獲得91分，憑出色表現冧莊MVP；至於與顏志恒合唱《最佳損友》的梁浩賢僅獲80分，最終被foul。
被封為「羅啟豪2.0」的譚輝智，與本尊羅啟豪終極合體，同樣是super shy兼靚聲的二人合唱《今天等我來》，完美融合令人聽出耳油。二人未唱完肥媽已忍不住讚好，婉婉更笑言二人是《中年好聲音》中的Boy'z，肥媽大讚：「由個心去欣賞你哋，好似聽緊演唱會咁。」
兩人雖然是super shy，合體演出卻氣勢如虹。
張佳添則說：「我話過輝智係《中2》嘅羅啟豪，你哋喺聲音上根本係失散咗嘅兄弟，輝智愈嚟愈散發到自信，由素人變到喺台上好揮瀟（自如），但仲有好純嘅感覺，繼續維持啦！」兩人獲得91分成昨晚最高分一組，輝智更冧莊MVP，愈戰愈強的輝智向啟豪大笠高帽說：「佢真係一個天才，咩歌都唱得好聽，令我大開眼界。」
張佳添說兩人聲線，就似失散兄弟。
兩人歌路風格非常相似，被車婉婉指是《中年好聲音》中Boy'z。
amJetso 送BIODERMA救星小紅瓶🩷護膚恩物 立即按此參加👇
