中年好聲音2｜車婉婉合照爆賽果！劉威煌、「肥媽愛將」疑晉身15強 3選手出局？
TVB《中年好聲音2》主持車婉婉月尾生日，日前節目錄影期間兩季節目參加者為車婉婉慶祝生日，令車婉婉激動爆喊。
《中年好聲音2》這類淘汰賽制歌唱節目，保密工夫都會做足，不過車婉婉個人IG以及TVB《東張＋》平台，就分別上載慶祝生日當日片段同相片，疑似洩露提早出局選手及最後15強賽果。
中年好聲音2｜古淖文、黃劍文、劉威煌疑晉15強
進入淘汰賽制，由100名參加者篩吓篩吓剩返18人，包括大熱人馬「肥媽愛將」古淖文，前歌手鄭梓浩、陳蒨葶、梁浩賢、黃劍文、劉威煌，表現突出嘅劉可、顏米羔，曾經參加《亞洲星光大道3》嘅陳燕娜，仲有陳俞霏、譚輝智、林若盈、王玥、安雅希、朱博文、周碧嘉、袁思樂及沈宗賢。
中年好聲音2｜陳俞霏、周碧嘉及袁思樂比疑被淘汰
《中年好聲音2》觀眾發現，與車婉婉慶祝生日的大合照內，見唔到陳俞霏、周碧嘉及袁思樂，懷疑佢地已經被淘汰。疑似被淘汰嘅陳俞霏來自廣州，自稱「音樂搬運工」但比賽表現不俗，首兩回合都獲5位評審一致畀燈晉級。
原文刊登於 Yahoo 娛樂圈
amJetso 送BIODERMA救星小紅瓶🩷護膚恩物 立即按此參加👇
