劉可唱《人生何處不相逢》，改編到三不像，只獲79分。
《中年好聲音2》昨晚播出的一集主題是「陳慧嫻金曲賽，喜氣洋洋賀十二強」，劉可未能承接上一集氣勢，表現失色再度跌入危險區！獻唱《人生何處不相逢》的他透露，歌曲是送給亡父，惟因他將歌曲改編到三不像，獲慧嫻直言感失望：「你揀呢隻歌我有啲失望，唔明點解你要揀呢隻歌，呢隻歌係小調，唔expect你用現代嘅方法去唱，你又重新編曲，搞到隻歌唔知變咗乜鬼嘢。」肥媽說：「你好想表達好多嘢，但你依家諗多咗，唔知自己想點，有啲三不像，拉低自己分唔抵嘛！」最終劉可僅獲79分，與同獲79分的陳蒨葶和獲75分的王玥齊齊跌入危險區。
慧嫻直言對劉可感到失望。
憶亡父哽咽
其實劉可挑選《人生何處》背後有感人故事，他接受製作組訪問時透露亡父是一位軍人，性格硬朗及嚴肅，並從爸爸身上學到不少東西：「佢教識咗我好多嘢，有啲嘢一定要做到，就算唔得都要盡力做好，要堅持到最後。」可惜鐵人也有倒下時，劉爸爸最終不幸因癌症離世，劉可說：「去到中後期佢成個人瘦晒，唔可以正常地排便，佢自己都好煩躁，覺得拖累到屋企人，嗰段時間困擾咗成2年。」劉可最後哽咽說：「我同佢今生緣分雖然結束咗，但喺來世某一日某一個時間，我期待同佢再相遇。」
劉可含淚憶述與亡父往事。
入App免費換走健康產品
