中年好聲音3︱劉洋演出《我是一隻小小鳥》 獲讚將雀仔唱到變大鷹
昨晚播出的一集《中年好聲音3》，進行24強晉身20強淘汰戰，今集最高分數，是獻唱《我是一隻小小鳥》的「重炮手」劉洋，獲得97分超高分，是《中年》系列史上第二最高分，與上輪獲得97分的陳芷盈平起平坐，劉洋同樣亦獲得了昨晚一集最高分。
向來聲線雄厚的劉洋，以時而細語、時而感情澎湃的狀態來呈現情感的推進，成功感動現場觀眾及評審，獲得全場如雷掌聲及一致好評，張佳添直頭忍不住尖叫。張佳添：「我又有四個字送俾你，大將之風，你係own咗呢隻歌，呢個係你嘅版本。呢首係好需要技巧嘅歌，但你俾我覺得你唔係炫耀緊你個技巧，而係一路俾緊驚喜我。」
肥媽則稱：「佢嘅感情，係真係由一個地上嘅雀仔，飛到去變成一隻大嘅鷹。」黎瑞恩：「我頭先唔覺得係一個比賽，我直頭覺得係一個表演，佢做到說唱嘅感覺。」周國豐指歌曲與劉洋perfect match：「懂得收斂咗，有鋪排，你唔單止唱緊情歌，你仲唱埋你嘅人生。」
入App免費換走健康產品
