森林獻唱《天才與白痴》獲5燈。
《中年好聲音3》昨晚香港賽區百強第四回比拼，誕生三位5燈及三位4燈選手，5燈選手是森林、楊炳德、吳海楊；4燈選手是羅逸軒、梁華勝、陸東成。當中65歲退休人士森林獻唱《天才與白痴》，戴上一頭70年代許冠傑style假髮、配以hip hop感誇張銀鏈飾物亮相，超強音樂感及台風令海兒急不及待撳燈，比「長明燈」肥媽還要快。
森林海選時同樣獻唱《天才與白痴》，張佳添讚他選歌策略做得好，而且演出亮眼尤其rap部分：「今日睇得仲開心，你完全deliver到能量，同埋唱rap唔係將字就咁讀出嚟，係似同你講緊嘢。」伍仲衡則讚其演出娛樂性十足；周國豐亦舉拇指讚好。
另一位5燈唱將、52歲在上海從事設計公司項目總監的楊炳德，外貌與「樂壇校長」譚詠麟相似之餘，還擁有一把混合「譚校長X小肥X顏志恒」的靚聲，獻唱《一首歌一個故事》大獲好評，伍仲衡指很多人處理高音的after bridge總會翻車：「你又上到去，我咪撳燈囉，添Sir都等緊呢個位。」張佳添謂：「見到校長咁嘅樣，梗係畀盞燈你。我覺得你個聲線夾雜三個人喺裡面，少少校長、少少顏志恒、但又少少小肥，所以你要好好運用呢個combination。」
立即更新/下載AM730手機APP 體驗升級功能
