網紅劉馬車經常有驚人舉動，除咗早前因干犯風化案被判入獄，最近又自稱同Coffee林芊妤有不尋常關係，但被Coffee公開私訊內容踢爆對方作故仔。正所謂「物以類聚」，有位同劉馬車有交情嘅光頭男，同樣做過唔少搏上位行徑，喺尖沙咀碼頭飲海水、港鐵車廂爆粗、騷擾店員之外，最近仲學埋馬車搞「非禮」，而受害嘅係炎明熹……代言快餐店嘅廣告牌。
由頭鍚到落腳
近期連鎖快餐店都擺出Gigi 真人1：1廣告牌，而呢位光頭男就去到一間分店，先瘋狂爆粗，再對Gigi（個廣告牌）大叫「我而家就猥褻你！」，然後隨即「動手」，強吻Gigi（個廣告牌），由頭鍚到落去……「非禮」完，光頭男又大肆擾攘，仲對住路過嘅婆婆爆粗摟打，但係婆婆相當淡定回敬一句「乜x嘢啫0靚仔」，仲立即舉起拐扙。光頭男似乎估唔到對方咁老定，當堂笑晒口扮無嘢，洩咗道氣。
光頭男之前曾開設多個IG 帳戶，但因為內容違反社交平台規則而被剷走，而討論區都有人開post提及呢位仁兄，但多數反應麻麻。
原文刊登於 Yahoo 娛樂圈
光頭男又對住路過嘅婆婆爆粗摟打
🎁 amJetso請你睇《焚城》，快Ｄ開APP玩👇 👇
