Gigi回母校欣賞舞台劇，又與一眾師弟妹講人生。
炎明熹(Gigi)歌唱老師高晨維(Cleo)創辦的星格流行音樂學院與海洋公園合作大型原創音樂劇《深海鰭遇》早前公演，舉辨目的是希望培育及展示未來樂壇新力軍實力。
首場演出接近尾聲，校長Cleo與觀眾分享6年前Gigi參與舞台劇的《青澀》演出片段，台下的Gigi看得份外入神。她就以師姐身分為師弟妹勉勵一番。Gigi說：「首先想講嘅第一句係好唔簡單，因為我知呢個舞台劇花咗好多心思同籌備好耐。亦知喺生活上有好多嘢忙，忙返工返學等等。見大家嚟睇舞台劇去追夢，好開心。同埋睇返以前嘅畫面，覺得青春返晒嚟，好難忘。」
Gigi欣賞舞台劇後講感受。
全劇創作，由編導、曲、詞、編曲、編舞等，均由星格團隊一手包辦，包括創辦人高晨維校長（Cleo) 及劉凱揚校長（Nic)、中央戲劇學院碩士汪洋億（Cola）、新城勁爆男新人T.MAX海淦清及林裕等。
睇到眼濕濕
Gigi同時勉勵一眾師弟師妹，「好希望今次嘅舞台劇會成為大家珍貴嘅回憶，大家要努力奮鬥，無論想做咩都好，一定會好起來嘅。大家一定會做到。」老師Cleo大讚Gigi的6年後經歷不少，但由始至終沒有變過，Gigi聽罷感觸得眼濕濕。
這次演出匯聚近50位不同背景、年齡由8歲至60多歲的星格學生，當中有歌手莊殷玥(Vici)、《造星V》陳彥熹(Philip)、《聲夢junior》冼奕瑜(Jasmine)等，眾人以歌聲、舞蹈和戲劇打造華麗舞台。
立即更新/下載AM730手機APP 體驗升級功能
