ViuTV《全民造星IV》總決賽將於25日舉行，負責女團的經理人Wing受訪時表示，最緊張女團誕生當日及未來的路。問到女團的人數及人選，Wing希望人數可在十個內，但一切有待比賽結束後再商議，「到時大家坐低傾，掉晒啲名單出嚟，之後就會決定有咩成員。」
(左起)So Ching、Day及Marf是最受歡迎的三位參賽者。
參賽者多轉變能產生化學作用
Wing續指廿強將會優先考慮，而其餘參賽者也會是考慮之列，並以人氣和表演，以及她們可擔當的角色作為篩選條件。Wing說︰「由於佢哋愈來愈多轉變，產生好多唔同化學作用，亦都有好多變數。有啲人睇落平平無奇，但佢進步好大，證明潛力好大，會令我覺得佢都可以喎！最後要好詳細傾，究竟我個女團係要咩組合，想要咩嘅女仔，係咪同類型擺埋一齊呢？」
阿Wing透露96強參賽者會是女團考慮人選，但以廿強優先。
感激觀眾投入比賽
Wing多謝觀眾非常投入今次比賽，對於有網民認為賽制欠缺公平，她說︰「始終節目有限，大家未必了解我哋感受，但我個部份係以公平角度出發，係focus個演出內容可唔可以贏到評判目光，每個人嘅準則都唔同，好難滿足所有人。我係以平常心去睇留言，佢哋嘅留言係好真摯，好多謝大家咁重視同投入。」
相關新聞︰
全民造星IV｜Alice否認介入Jer戀情 強調私下無聯絡
全民造星IV｜隊友力撐拎冠軍 Marf開心獲炎明熹留意︰互相支持先做好個氣氛
全民造星IV｜RAP出未來！Win Win︰希望日後可以寫詞再說唱
隨時勝出都未必可以加入女團？
入App免費換走健康產品
