2021-12-01 15:43:00

全民造星IV｜梁祖堯剃埋腳毛著高跟鞋搶fo ︰隻腳痛到X街

ViuTV《全民造星IV》進行新一輪對決，首場由許廷鏗的A2組對梁祖堯的B1組。正當大家期待兩隊表演時，鏡頭拍到身在後台觀看表演的梁祖堯，竟穿上了紅色高跟鞋，他就連腳毛也剃掉，引來網民注意，紛紛討論阿祖為何會穿上紅色高跟鞋。

著高跟鞋背後有洋蔥

今日阿祖就親自揭曉謎底，原來他是為了「找數」。他表示，在分組的時間，他希望給予組員多點基本訓練，於是著組員之一的馬欣調教大家穿高跟鞋，「馬欣仲幫大家買咗高踭鞋，每人一對，用作練習，因為原來好多女仔都冇高踭鞋。」而一班女組員更特意訂多一對43號的高跟鞋給他，「話我都要同佢地一齊學，梗係好啦！作為演員無論如何多個技能都係好！嗰日大家試鞋嘅時候，班女仔話：比賽嗰日你要着啊！我話，好啊。」

著高踭鞋痛足三日

阿祖指這班女仔可能已經忘記這個約定，但他一直牢牢記住要「找數」，並指男人未能明白女人的兩種痛楚，便是生仔和穿高跟鞋。他說︰「比賽當日，我同佢哋講，你哋著幾耐我就著幾耐。隻腳痛到X街，腳踭痛腳趾起晒水泡，腳板底抽筋，小腿抽筋，痛左足足三日。以前演出都有著過，但係只係著10幾分鐘，原來著住一晚係咁痛。係咁x痛。我都只係坐喺度，佢哋仲要着住嚟表演。真心respect 的。著高踭鞋的痛，我體驗了一晚。女孩們，我愛你們。生仔的痛，我冇辦法體驗，媽媽，我愛你。」

相關新聞：