阿姐期望家豪哥過悠遊生活，又讚其孖孫可愛。
家豪哥晚宴當晚有不少表演節目，一對孖孫還表演跆拳道，為爺爺祝壽，李思捷又以四大天王腔演唱，再與尹光合唱《不羈的風》掀起全場哄動，壽宴尾聲由家豪哥與小青姐與全場合唱《千個太陽》及《朋友》而結束。拍過家豪哥《識法代言人》及《大都會》兩劇的汪明荃(阿姐)坦言，「反而近年常在粵劇場合，碰到家豪哥夫婦，所以專程祝賀。」阿姐又大讚家豪哥孖孫可愛，叮囑他與小青姐要享受人生，過悠閒慢活生活。
黎耀祥人生第一個男配角獎，就是演家豪哥監製的《秀才愛上兵》。
讚慧眼邀周星馳演《他來自江湖》《蓋世豪俠》
正在忙於拍攝新劇《香港探祕地圖》的黎耀祥，趁著劇組「放飯」時間趕過來出席家豪哥與小青姐這晚榮休宴，他說說：「我真係要多謝家豪哥，由《大家族》開始就同家豪哥合作，已係三十多年前嘅事，當年我演萬梓良細佬，對於一個新人來說，算係比較重嘅角色，之後就一直拍過好多套家豪哥嘅劇，我第一次喺台慶獲最佳男配角獎，就係演《秀才愛上兵》，之後就演《溏心風暴》 年子勇(蓮子蓉)。」
黎耀祥指欣賞家豪哥有慧眼，甚至當年周星馳演《他來自江湖》，《蓋世豪俠》，亦都好受觀眾歡迎。對於家豪哥退休，他說：「很希望他逍遙快活，自由自在，因為監製工作真係好辛苦，亦都十分困身，所以希望他與小青姐去旅行輕鬆下，最重身體健康。」
林家棟與家豪哥、小青姐，相識30多年，出席宴會令兩夫婦十分驚喜。
從家豪哥身上學做好監製
林家揀轉戰影圈多年，近年已甚少在電視台演出，他都專程出席家豪哥、小青姐榮休宴 ，「我同家豪哥有三十多年淵源， 最難忘當年初出道，所有台慶劇都有份演，但永遠都冇連戲，只演一場，哈 ! 又點會唔難忘呢？ 而同家豪合作好多，《蓋世豪俠》、《萬裡長城》、《巨人》、《龍兄鼠弟》、《他來自江湖》，以及萬梓良演出嘅5部劇我都有參與，亦拍過小青姐3部《娛樂插班生》系列，好欣賞家豪哥俾演員有好大發揮空間，唔限制演員嘅演出係好難得，所以從家豪哥身上學到點樣做好監製，累積多年經歷之後，自己做導演嘅時候就好受用。」
羅蘭姐豎起手指公，讚家豪哥、小青姐多年來為觀眾帶來很多好劇集。
amJetso 送BIODERMA救星小紅瓶🩷護膚恩物 立即按此參加👇
