肥仔揚言新歌《Lady Killer》MV勁過姜濤，姜濤留言：「全世界你最勁啦！」以示支持。
男子組合ERROR隊長肥仔早前宣布將於周三(27日)推出首支個人單曲，作為首位ERROR的單飛成員，首支solo甚具殺氣，他昨晚在社交平台上載一張不同造型的「面膜look」照片，公布歌名為《Lady Killer》，並寫道，「My new song 《Lady Killer》比個恐怖版封面大家J住先，如果個mv真係咁會係點呢？#個mv勁過姜濤」被挑機的姜濤則留言回應，「全世界你最勁啦！」而許廷鏗亦有留言讚他的mask夠「瘦面」，而跟他同步出歌的MIRROR成員Edan則笑指他夠「疊馬」。
花姐指肥仔的killer look，反會被lady Kill。
經理人花姐則在個人IG出post，上載肥仔的宣傳照，並寫著，「Ladykiller？肥仔呢個樣……d lady 想Kill你就真。」而隊友阿dee即回覆：「大開殺戒。」、《造星III》師弟Timothy Kong回覆：「嚇死！」
早前剛度過31歲生日的肥仔表示，今年的大挑戰是單飛以新人身份出歌。
入App免費換走健康產品
