原子鏸上月為摩洛哥籍老公誕下混血萌B。適逢仔仔滿月，近日一家三口帶同愛犬影全家福，非常幸福。
初為人母一個月，原子鏸自言不覺辛苦，並透露現時哺餵母乳：「對我嚟講係一份好美麗嘅回憶，因為可以同BB更加親密，呢種感覺真係難以言喻，只有做人媽媽，先會有呢份體驗，不過BB依家成日肚餓，所以都有啲難湊。」最令她感動的是，老公為了令她有多點時間休息，主動幫忙湊B︰「佢幫咗我好多，大概每晚九點到凌晨兩點就會輪更，幫手餵奶、換片、抱住BB哄佢瞓覺，佢真係一個好好嘅爸爸。」
由於疫情關係，原子鏸的媽咪鄭佩佩現時未能從美國返港探孫，現時只能透過視像隔空「抱孫」、為女兒打氣。她又希望疫情早日結束，屆時一家人到老公家鄉摩洛哥大事慶祝：「呢個係佢哋嘅習俗，新生BB第一次返摩洛哥，會舉行一個盛大嘅慶祝活動，類似香港嘅百日宴。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
