2024-08-26 11:15:42

反起跑線聯盟2｜梁詠琪回歸客串與朱茵鬥演技強尼爆瑤瑤不滿造型嬲豬豬(附劇情)

ViuTV原創劇《反起跑線聯盟2》本周進入結局篇，上季主演的梁詠琪因撞正巡迴演唱檔期而未能繼續參演，但GiGi仍特地騰空兩日檔期客串演出，跟演丈夫的強尼和女兒瑤瑤(張曦晨飾)一家團聚，「今次再見返瑤瑤真係大個咗，仲甩咗兩隻門牙好攪笑。」而強尼就大爆囡囡開始有「偶包」，一度因造型醜怪嬲豬豬，最後憑周家怡一句話才平伏情緒。

讚瑤瑤忍眼瞓開工

今季劇情交代梁詠琪的角色為照顧母親，飛往美國。雖然GiGi無法繼續主演，作為劇中瑤瑤的媽咪，GiGi認為必須要一家團聚，於是主動跟導演劉偉恒提出客串，再次見返瑤瑤，她笑言，「女兒甩咗兩隻門牙好搞笑，而且佢仲成熟咗，我記得有次要開好早，見到佢明明好眼瞓，但佢都會忍住開工。我都有follow佢嘅社交平台，會私底下同佢傾計，佢都會Message我話『GiGi媽咪好掛住你啊！』」除了與劇中家人團聚，Gigi與新加盟的朱茵亦有對手戲，兩位凍齡女神同框，令人期待。

周家怡一句話瑤瑤平伏情緒

演爸爸的強尼就指瑤瑤開始有偶包，「劇情講到媽咪去咗外地，咁爸爸幫佢整頭髮就一定會整得肉酸啲，點知佢話真係接受唔到，仲要唔準人講佢嘅髮型，嬲咗成日！直到周家怡同佢講『你係專業演員嚟』，佢先可以專心演戲。」

《反起跑線聯盟2》劇情大綱

第11集

家長們擔心小朋友過於依賴父母而無法培養出自理能力，於是一起參與孔校長(袁富華飾)舉辦的「戶外求生營」，就連Julia(李莉飾)也成功說服姨媽一起去。誰知當大家浩浩蕩蕩到達集合點時，孔校長才宣布「戶外求生營」只招待小朋友，一班家長必須學習放手回家去。當家長對孩子仍依依不捨之時，小朋友已懷著興奮的心情踏上旅途。

在「戶外求生營」中小朋友重新學習基本的生活技能，大家互相鼓勵與扶持，跨過重重難關，友情亦得以加深。

第12集

看似一切順利的「戶外求生營」，沒想到竟暗藏了Martin(植海維飾)與Billy(徐立德飾)的嫌隙，二人不再稱兄道弟，這弄得Charles(潘燦良飾)與Venus(周家怡飾)也感尷尬，二人必須分別梳理孩子的情緒。