朱茵與潘燦良識於微時，在《反起跑線聯盟2》首次合作拍劇。(娛樂組攝)
香港的填鴨式教育制度，多年來為人詬病，ViuTV兩年前的劇集《反起跑線聯盟》，圍繞怪獸家長的百態，引發共鳴。今年暑假迎來第二季《反起跑線聯盟2》，有闊別港劇13年的朱茵加盟，與演藝學院師兄兼劇帝潘燦良，相隔逾30年後首度合作鬥演技。兩人慨嘆做香港學生甚艱難，育有12歲女兒黃鶯的朱茵自言屬「hea父母」，寧願給囡囡自由空間去成長，「那些解難、面對難題，其實就在這些位置成長，你塞滿他們的生活，又點知道點樣執生呢。」她認為家長最重要是陪伴同行，適時補底。至於如何面對家長之間的比較，她秒回：「所以唔入媽媽群組，斬腳趾避沙蟲！」
女兒拒與黃貫中jam歌
朱茵《反跑2》化身嚴格的魔鬼班主任冼老師，被潘燦良直指吹毛求疵，現實中朱茵女兒開始進入反叛青春期，情緒起伏漸大，跟Band友父親黃貫中相似，偶爾會爆出傷父母心的話，幸好有音樂、繪畫或閱讀等發洩。兩父女有共同嗜好，可會齊齊jam歌？朱茵笑言，「佢拒絕，有時爸爸話一齊jam下，佢唔騷老豆，都冇佢符。」幸而，囡囡有情緒就會急起來說英文，朱茵主要講廣東話，語言不通成為雙方駁火的「冷卻劑」，「佢用英文我又駁唔到，爸爸有時會跟佢駁嘴，但我覺得駁慣就失咗身份，有時她好乖女，用唔鹹唔淡廣東話去解，其實我明佢講咩，但她肯解，我應該聽。」她直言要開始習慣春青期女兒，不再如以往黐著母親。
考試好唔代表真係識
潘燦良指編導劉偉恆早定好《反跑2》主題，「點樣去做父母對小朋友更好？是人與人之間的關係，如何作為榜樣，好重要。」朱茵認為親子之道貴乎尊重，易地而處，就以她回歸拍劇為例，少了時間陪女兒參加課外活動，難免有微言，「囡囡有問我點解要拍戲，我話除咗係職業，因媽媽鍾意呢件事，就像她去做一件事，純粹為開心，她知道連繫開心，就話『咁你去拍吧！』」黃鶯讀國際學校，朱茵不諱言香港課程趕著應付公開試，學童既要參加興趣班，又忙著補習，「睇到都覺得好攰好辛苦，作為家長我覺得追咁趕做咩，考試好又唔代表真係識，係咪應該要放慢腳步等他們消化下？」
最緊要識自救
香港社會風氣拍蝕底、愛比較，朱茵堅拒做高壓家長，「見個女睇自己揀的課外讀物，睇完好享受，點好意思叫她學其他東西？我們以前都唔係填滿晒，仲可以出去玩，應給他們空間去成長。」當然要懂得基本閱讀書，但給予空間學習執生解難，才是成長寶貴一課，「我同阿女講，起碼別人丟低你，要識得自己救自己。家長只陪伴同行，教她如何面對世界，其實我們成年人也會犯錯，重點是如何補救，我們需要反思。」
享受二人世界唔後悔
潘燦良與蘇玉華拍拖25年，2020年才註冊結婚，至今兩人仍拖著手睡覺好sweet。聽朱茵分享湊女經，拍劇又與一班可愛小演員相處，燦Sir與太太曾憧憬生兒育女嗎？他坦言兩人曾討論生育問題，決定保持原狀，「當然有小朋友可能會有更完整嘅人生經歷，但我又覺得唔使因為咁而後悔。」
訪：Grace 攝：娛樂組
化妝：Emma Lee
髮型：Kavi Yeung @ Myos
Sponsor: Weekend Max Mara
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
