Nowhere Boys主音Van在《叠影狙擊》中飾演一名無良獸醫。
本地樂隊Nowhere Boys主音Van陳維諾，在電視劇《叠影狙擊》中放下Rock友形象，飾演一名掛羊頭賣狗肉的獸醫，協助販賣人體器官集團，在獸醫診所內活摘人類器官。當日拍攝他正準備活摘朱鑑然的兩個腎臟，周秀娜及時出現阻止，Van說：「我係飾演一個無良獸醫，販賣人體器官，原本想劏朱鑑然，點知有報應，俾朱鑑然劏番轉頭。」
雖然Van要遭受娜姐拳打腳踢兼叉頸，還要被五花大綁在手術床上，但Van認為今天的拍攝，每位男士睇完都會既羨慕、又妒忌，Van：「剛才俾娜姐壁咚，足足一個鐘，不斷將我個頭推埋牆，好近距離，雖然有啲痛，但係俾娜姐壁咚喎，反而係冇諗過今日要有動作戲，要被打、被劏、被壁咚。」身旁的朱鑑然也搞笑說：「我都有呀！我都有呀！剛才娜姐好大力捉實我手臂講對白。」兩個大男孩，雖然來自不同範疇，一個夾Band、一個拍戲，但拍攝時相當投契，朱鑑然說：「我原本喺個森林入面，點知下一個鏡頭就俾人綁咗喺手術床。」旁邊的Van馬上說：「原本我哋兩個要除衫瞓上手術床，但導演話我身型太出色，驚我啲腹肌嚇親人，所以唔使除。」兩個搞笑能手，也同時令拍攝氣氛變得輕鬆起來。
🎁 amJetso請你睇《焚城》，快Ｄ開APP玩👇 👇
