周吉佩被指「無街坊識」 超高EQ回應

周吉佩昨日在將軍澳舉行發布會，宣布將於下月在旺角麥花臣舉行演唱會，有過百fans到場為他打氣。他表示如反應熱烈會加場，加上出道16年迎來首個個唱，心情亦很緊張，盼屆時可以呈現不同的自己。

在活動開始前，有將軍澳的網民出po以「無人識你喎gif」為題，寫道︰「無街坊識周吉佩，有人以為佢係內地歌手或《全民造星》出嚟嘅，google 後發現周生來自2022年《中年好聲音》嘅冠軍歌手。」並打上hashtag「證明好多街坊已經唔睇TVB__包括me」此po隨即引來不少討論，有人留言指對方已出道多年，「佢做左歌手好耐，係中年攞冠軍後多D人識」、「好多年前上過有線」等等，當然亦有不少人留言稱「依家個乜水？」、「佢有咩自己既歌呢其實？」

周吉佩今日到帖文留言說︰「多謝將軍澳主場呢個post，由原本我無乜人識，宜家多人留意咗，Thanks so much！」有網民大讚他高EQ，也有網民留言安慰他不要太介懷留言。