網民指責MakerVille安排的演唱會經常令人失望。
《CHILL เก่ง Music Festival》昨日（20日）在啟德體藝館舉行，大會的安排頗為混亂，除了因超時關係cut走大合唱環節，火速安排觀眾離開，其音響又被指「又嘈又拆」，有觀眾更用「炒車」去形容，原來連給歌手的歌詞顯示屏亦出問題，193更公開指提詞機變「老虎機」。
昨日，有入場的觀眾在社交網分享照片，相中見他影着台邊的提詞機，該顯示屏主要是協助歌手提醒歌詞，但見當時顯示屏的泰文譯音歌詞跳得極快，該網民寫到：「SLS 我睇咗乜嘢?? 靠佢提詞就gg了….飛飛飛飛飛 ，全黑 飛飛飛」。
帖文引得有份演出的ERROR成員193亦忍唔住留言苦呻：「尋日（前日）等咗八個鐘 ，到凌晨先有得綵排嘅一首歌，然後今日（昨日）上到台佢同我玩角子老虎機，Chill club真係好chill」；而另一成員保錡亦似乎認同網民的說話表示：「公道」。不少網民都紛紛留言指責MakerVille ：「CLS 公司 响失望方面絕對唔會令人失望」、「點解你公司搞親Live Show都實出事？」、「真心玩死歌手」、「呢個係考你記泰文歌詞能力測試，辛苦晒」。
