江美儀在談及夏春秋時，收起笑容。
吳君如父親夏春秋(冬叔)於上周離世，享年93歲。冬叔前新抱江美儀在社交平台貼上合照，留言說︰「永遠懷念！你的笑臉、你的笑話、你的幽默，同你一齊慶祝生日。冬叔，願你離苦得樂，往生淨土！」
江美儀與夏春秋是同月同日出世，所以會一齊慶祝生日。
每周洗腎兩次
江美儀在直播節目《娛樂好好玩》中，談起冬叔時，她一臉嚴肅，收起笑容透露當日也是看到吳君如的帖文才知道冬叔離世。她說︰「佢呢幾年身體麻麻地，個腎唔係咁舒服，一個禮拜都要入醫院兩次洗腎。耐唔中我都會同Vincent（吳君祥）問候吓冬叔點呀，『都係咁囉，喺屋企休息多囉。』始終佢年紀唔細，因為都90歲。」
冬叔留下開心印象
她直言跟冬叔關係唔錯，二人都是9月20日生日，並指吳君如、吳君祥之外，還有一位細仔，也是9月生日，所以會一齊慶祝。她說︰「冬叔有樣嘢留返俾我哋係好嘅，就係佢永遠都好開心，你永遠見到佢都好開心，唔會好『忟憎』，成日都係笑騎騎，再唔係就講笑話畀我哋聽，我覺得佢留俾我哋嘅就係佢嘅開心，都係好好嘅禮物，永遠記得佢嘅幽默，同佢講埋啲鹹濕笑話。」
限時早鳥優惠 火速訂位 | am730母親節溫馨晚宴 $5000福袋等你拎!
