元朗朗屏昨晚(21日)疑因一條電纜橋起火，引發元朗、天水圍多區於7時許出現大規模停電，不少鏡粉靠應援燈牌照亮全屋，MIRROR成員陳卓賢 (Ian)在IG限時動態留言：「Please Stay Safe」慰問受影響居民，而居於區內的C AllStar成員陳健安(On仔)一度受影響，他最膽心靠電子儀器保命的長者。
冇電似世界大亂
On仔昨晚在社交平台上載短片報告「停電無網絡的一小時」的狀況，並寫著「願各位平安。」原來停電時他剛跑完步回家，「無晒電連想打999都打唔到。返到屋企點著晒啲蠟燭，同埋充電月亮燈及露營燈。無晒燈啲星星好光，但好危險，因為連紅綠燈都無晒交通亂七八糟。經過安老院又好擔心，因為有啲老人家要靠電子儀器保命。冇電，好似世界大亂，以為打仗。」
冇水飲冇得吹頭
而最直接影響On仔是跑完步要沖凍水涼，無法吹頭，連飲水都成問題：「屋企只用電子水機，冇電開唔到機飲水。仲有盒奶，雪櫃冇電，要快啲飲晒啲奶，否則會變。」正當他考慮是否需要回媽媽家借宿，家中電力已恢復。不過昨晚天水圍仍有約2萬戶仍受影響。
入App免費換走健康產品
