2025-03-16 19:27:58

奪命提示｜丁子朗孖郭柏妍演親密情節冇諗生理反應問題透露監製搵PA試演

丁子朗和郭柏妍今日(16日)出席TVB新劇《奪命提示》宣傳活動，二人在台上大玩親密互動遊戲，講到今次新劇有大量動作打鬥場面，郭柏妍接受訪問表示：「咁就一定係，比起我之前咁多套作品都多好多，好多謝監製睇住我嘅能力去揀返啱我打嘅戲。」丁子朗則回應：「我哋30集嘅戲，起碼每一集都有打嘅場面，對觀眾嚟講好刺激，但係對演員嚟講係好大嘅體能訓練，拍戲有史以來最多同埋最辛苦。」郭柏妍坦言要克服過去害怕槍聲的問題，並表示：「我花咗時間去克服呢樣嘢。」

親熱戲快拍效果

被問到預告片當中丁子朗壓在郭柏妍身上，畫面非常親密，丁子朗表示：「嗰一場戲唔尷尬嘅，我同郭柏妍都第二次合作拍戲，我哋都希望有個默契喺度，現場大概有20幾個人企喺度，所以係完全唔尷尬。」講到是否害怕拍親密的劇情會產生生理反應，丁子朗回應：「我又冇乜諗過。」郭柏妍坦言：「我哋大家都覺得係一個工作，都跟住監製嘅故事想點樣行，盡快拍到佢哋想要嘅效果。」丁子朗透露監製有捉住某一位PA先試戲，讓演員更加能夠代入劇情當中。