吳建豪早前上載與周渝民的合照，網民即詢問F4何時合體，他表示在對的時間就會合體。
梁詠琪、吳建豪昨日出席醫療健康活動，梁詠琪指一家已做了這個基因測試，女兒更遺傳了西班牙人的歌舞基因；談到她早前於鄭秀文(Sammi)演唱會擔任嘉賓，梁詠琪稱，二人較少機會同台，但知道Sammi很大壓力，又指演唱會各方便都超水準。
提到憑一滴口水就能檢測到基因，做了測試的梁詠琪說：「報告顯示我冇嚴重疾病，抗壓能力最高，仲話我皮膚比實際年齡仲年輕，所以非常開心。」她覺得最神奇是測試女兒哪方面才能最優秀，她續說：「就係唱歌同跳舞，現實中囡囡真係好鍾意唱歌跳舞，估唔到真係同基因有關。」問到會否讓女兒朝著演藝方向發展，她表示：「未做測試前我覺得仲要觀察，依家更加確定，要幫佢報班啦！(是遺傳你的基因嗎？)唔係啦，係西班牙人基因，佢哋好鍾意唱歌跳舞。」
關心Sammi壓力大
提到早前擔任Sammi演唱會的嘉賓，梁詠琪續說：「好少機會同Sammi一齊演出，非常替佢開心，因為知道佢開騷前都好大壓力，自己每日都跟進佢嘅新聞，最後鬆一口氣，Sammi真係完成咗一個超高水準嘅演出，各界都俾好高評價。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
