楊天宇孖關智斌爆肌浸溫泉。
由關智斌（Kenny）及楊天宇（Angus）主理的旅遊節目《孖夫遊記》，今次帶大家遊福岡，之前二人試玩日本占卜、豪玩遊布院等，今集玩浸溫泉，二人邊浸溫泉邊傾偈，絕對是「赤裸」剖白，爆肌之餘又爆料，養眼度及訊息量爆標。
關智斌自爆有七位數字身家。
浸溫泉前，由於要半裸出鏡，節目組問到Angus要不要做掌上壓谷肌，好讓拍攝時有爆肌效果，Angus隨即俯在地上狂操，更說：「千祈唔好俾Kenny見到。」不過最後仍被Kenny發現，Kenny亦立即做掌上壓，更笑說Angus有機心：「佢同我講：『我琴日食咗拉麵，我唔操啦，我放棄咗啦。』跟住俾我見到佢靜靜雞做掌上壓。」 浸溫泉期間，節目組提議兩位「爆肌裸男」來個「你問我答 赤裸剖白」，答不到問題的一方需接受淋冰水懲罰。第一個問題：「你最討厭的藝人？」，Kenny指是阿Sa蔡卓妍，「佢真係射手座嚟㗎，約食飯時，佢係唔會理係邊一group嘅friend，例如佢會叫三十個人一齊出去食飯，而嗰啲人大家都唔識大家，所以有陣時出到嚟嗰個環境係幾尷尬。」Angus則指最討厭是周家怡，「我同周家怡拍《裡應外合》時，成日傾偈，佢係好靈性，佢可以放好多能量俾大家，佢嘅正能量滿到我有啲毛管戙。」
第二題「你有幾多身家？」Kenny謂：「我就係多過六位數、少過八位數。」但Angus立即篤爆，「嗰日我聽老闆（英皇集團主席楊受成博士）講話你有七層樓喎，嗰度起碼都有九位數啦！」Kenny苦笑：「老闆嗰度啲消息有滯後㗎……」隨後立即反問Angus，Angus表示多過六位，少過七位。Kenny笑指Angus身家少於自己，所以要淋冰水，最後Angus自淋，笑爆Kenny。
立即更新/下載AM730手機APP 體驗升級功能
