MIRROR四子在紅館意外，首度見傳媒。(蘇文傑攝)
MIRROR自紅館演唱會意外後，一直停工，今日姜濤、陳卓賢(Ian)、呂爵安(Edan)﹑邱士縉(Stanley)為劇集《季前賽》宣傳，亦是他們首度面對傳媒，並回應關於演唱會事宜。
姜濤希望大家能多些包容So Ching及舞者。(蘇文傑攝)
我哋係一條船
提到有不少HATERS的留言，尤其有不少針對So Ching，姜濤語帶激動說︰「我希望網民唔好太多攻擊，我知大家有好多嘢想講，但呢個時候，想大家可以俾多啲力量同支持予一班舞蹈員同So Ching。佢哋嘅感受，我哋理解唔到。我哋係一條船，可以一齊行，希望大家可以多啲支持同包容。你唔鍾意可以唔睇，我哋呢個時間係仍需要大家包容同支持。」
姜濤希望政府了解他們的心情，很想知道報告結果，知道誰要負責至於明年能否舉行演唱會，Edan表示未有消息，要待一切安定才再作計劃。
姜濤認為MIRROR、舞蹈員及So Ching都是同一條船。(蘇文傑攝)
陪家人旅行傾訴心事
姜濤表示出道以來，很少時間陪伴家人，今次終於可以與家人多些時間相處，而自己亦趁旅行期間跟家人說心事，但大家也沒有刻意提及紅館意外，此行只是希望老人家開心旅行。對於他與Anson Lo回來的情況大不同，他指自己很早已跟公司說去旅行，而Anson Lo他們的旅行決定比較倉促，因此未能安排行特別通道。
amJetso 送BIODERMA救星小紅瓶🩷護膚恩物 立即按此參加👇
