李錦聯與安德尊每次合體都勁有火花。
安德尊(大王)與李錦聯一齊主持《都市閒道》時，曾屢傳不和，二人在鏡頭前毫不俾面互寸，更上演「無敵鴛鴦剷」經典場口。不過，李錦聯離開無綫之後，近年亦與大王在幕前有合作，沒想到事隔多年，二人埋首便火藥味濃。近日更有網民將他們當年主持的影片，用AI整成打交片，畫面幾可亂真。
大王李錦聯有回應
其後陳欣茵在IG上載一條與孫慧雪、尹詩沛向大王逼供的影片，她寫道︰「開拖係真㗎！！！安德尊當事人親自回應不和事件，大王真實投訴：『做咩搞到佢咁肥』？」片中三女讓大王先看影片，並問︰「係咪你？」、「好狼喎！」大王就好淡定說︰「條片一早應該攞出嚟啦！」更雙手舉起V字手勢。至於李錦聯亦有留意相關影片，並留言說︰「真定假㗎？」、「係真唔係呀？」
李錦聯︰佢唔理人感受囉
TVB早年安排大王與李錦聯做訪問，當大王問到對他的看法時，李錦聯說︰「佢為人難搞啲！唔係唔喜歡佢，係無辦法令佢喜歡我啫！佢唔顧人，唔理人感受囉！」大王續問為何他不澄清不和，李錦聯說︰「我係用平常心處理！」但他們在片中有時忍不到笑，可見他們的關係並非想像中惡劣。
