小肥下周48歲生日舉行《小肥「完全變態」演唱會》 。
小肥入行17年，將於下星期四(13日) 48歲生日，在麥花臣舉行一連兩場《小肥「完全變態」演唱會》，由耳熟能詳的《寵物》、《時光機》到近期推出與6號@RubbleBand合作的《大巡遊》，以音樂讓樂迷深入了解小肥的完全體，而日前小肥便率先與6號及J.Arie雷深如遊走多間酒吧，大唱新歌為演唱會預演。
小肥為演唱會的周邊T恤繪畫漫畫卡通。
釋放內心
小肥坦言出櫃後，開始慢慢認識真正的自己，更愈來愈喜歡這個自己，所以當決定今年舉行演唱會後，小肥即時想到「完全變態」的主題，配以彩虹的顏色，以帶出LGBT(同志群體總稱)的精神，問到今次演唱會賣點，小肥說：「演唱會上半部份會呈現大家熟悉嘅小肥，唱大家想我唱嘅歌好似《寵物》、《時光機》，而下半part先會『變態』，因為顧慮仲有新歌未出，大家未知『變態』果件事會係點，會唔會小肥變到不倫不類，唔係我心目中認識嘅小肥……我想講『變態』唔係呈現我嘅變化，係一個一直收埋心裡面，自己慢慢浮現出嚟，然後到最後佢終於放監，我都係最近先認識呢個一直喺心底嘅小肥，我稱佢做『小肥西子』，我想喺演唱會介紹佢畀大家。」
小肥預告麥花臣演唱會開四面台。
演唱會開四面台
小肥透露下半場以『小肥西子變態』主題，沒有任何說教，單純在台上Party及跳舞，除了未推出的跳唱新歌，還有音樂總監Jason Kui改編一系列大家耳熟能詳的快歌，小肥說：「配合歌舞昇平、花枝招展八個字，想大家單純嘅心態嚟開party，同我巔一齊巔番一晚。」有見及此，今次以四面台形式開騷，以拉近觀眾距離。小肥首次為T恤繪畫漫畫卡通，以及配合彩虹主題的紙扇、電話繩、腳毛鎖匙扣及襟章等周邊商品。
與6號J.Arie雷深如酒吧新歌作預演
另外，日前小肥聯同6號、J.Arie由尖沙咀走到中環合共7間酒吧，為演唱會來個預演。小肥先與6號合唱了新歌《大巡遊》、再獨唱出未推出新歌《小心熊出沒》，最後與J.Arie再合唱即將推出的新歌《迫池》，唱到最後一間酒吧，全場觀眾大叫encore，令小肥及J.Arie每人唱多一首歌曲，小肥說：「今次7間有6間酒吧係gay bar，之前見J.Aire做已經好high，透過今次gay bar tour, 好想大家入場之餘，畀佢哋知道我嘅新歌、宜家做緊嘅嘢，而冇諗過做完呢7場bar tour之後成個人虛脫，因為自己係一個好易被感受感染嘅人，佢哋真係氣氛好好，我忘我咁演出，係一個好好演唱會嘅預演同宣傳新歌。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
