俄國型男Ansheles在旺角出席宣傳活動，談到在港生活多年，最不慣的是甚麼，他坦言最不習慣是天氣：「夏天好冷，冬天好熱，天氣變得好快，真係好擔心呢個冬天。」Ansheles又表示，作為俄羅斯人，他比較喜歡寒冷的冬天，但笑言自己現時不習慣俄羅斯食物，「我覺得俄羅斯食物太熱氣，反而習慣咗香港嘅飲食文化。」
Ansheles的廣東話說得非常不錯，問他會否忘記母語俄羅斯文，他笑言：「除咗廣東話，我又會講英文、希伯來文，有時會好混亂，慢慢會忘記咗俄羅斯文，我依家同婆婆、媽咪溝通時，佢哋會完全唔知我講咩㗎！」Ansheles坦言會多看俄羅斯書練習母語。問到他曾參演過電影，有否亦想再拍戲，Ansheles興奮說：「好想，希望以後可以多啲拍戲同拍電視劇嘅機會。」
問Ansheles有沒有帶媽媽喝涼茶，他表示：「唔會再俾媽咪飲涼茶，自己就會繼續飲，因為覺得熱氣時，飲涼茶好健康。」
入App免費換走健康產品
