張敬軒再度冧莊做代言人。
自信滿瀉的軒仔狀態大勇，拍攝兩段廣告片只用了8小時，拍攝隊伍都大為讚嘆！原來軒公有備而來：「上次廣告我穿浴袍大家就已經𠲖嘩鬼叫，今次聽到廣告團隊話要我瞓浴缸沖泡泡浴，我就用品牌的產品幫我護理好肌膚，做足生理同心理準備先嚟。點知原來只係瞓入去個浴缸度，啲泡泡係透明波波，連濕身都唔駛。都好嘅，廢事大家心臟病發，我豁咗出去啫，但都要照顧吓啲觀眾感受。」他更大讚只需要用一種產品，憑一個護膚程序就可以護養全身包括臉部肌膚。
在另一潔面泡沫廣告當中，軒仔要躺在白雲道具上，表達潔面泡沫的超厚身質地。軒公笑言青春返晒嚟：「好耐冇試過瞓喺度碌來碌去，好青春。本身我有啲擔心，尤其是有個鏡頭係超級大頭Close-up。不過導演話拍到我好靚仔活潑又有型，仲話我逆齡生長。」
立即更新/下載AM730手機APP 體驗升級功能
