張敬軒於澳門舉行的33場演唱會圓滿結束。(娛樂組攝)
張敬軒於澳門舉行的33場《Dahlia Blossom HINs CHEUNG PRIME CLASSICS LIVE 2024 張敬軒澳門演唱會》日前(19日)圓滿結束，今次軒仔同時打破「倫敦人」開show和澳門演唱會史的最高紀錄。尾場當唱到《故園花茶》時，勾起軒仔哽咽分享童年往事，寄語大家多陪伴父母，他感觸道：「因為佢哋唔係事必喺我哋身邊。」阿Sa蔡卓妍、02年的親姊妹組合2R成員黃婉君（Rosanne）、女團VIVA及海兒（Hedy）亦專程到澳門欣賞演出。
為求向樂迷送驚喜，今次軒仔特別為演唱會加入新元素，揀選之前未有獻唱的歌曲並為加場訂造3套全新歌衫。當唱到《故園花茶》時，軒仔分享兒時很喜歡恐龍﹐小學時廣州天河體育館舉行了一個恐龍展，恐龍展開幕不久，他很多同班同學已經去過，更將要去過展覽才有的postcard帶回學校炫耀一番，軒仔當時羨慕不已。一天，軒仔便跟爸爸說想看恐龍展，爸爸說好，然後問多少錢，軒仔說五十元一張門票，「五十蚊喺嗰陣時已經係我哋屋企一家三口差唔多三分一個月、甚至乎係半個月嘅口糧。爸爸冇出聲，然後話星期六同我去。」星期六，軒仔跟爸爸到了體育館門口，望了門口一陣子，剛好有位在展覽工作的阿姨經過，張爸爸便問可否帶軒仔入展覽，「爸爸話：『我哋屋企比較困難，但係我個仔又好想去，所以好希望你可以幫我呢個忙，你帶咗佢入去就得㗎啦，你唔使理佢㗎。』個Auntie好好咁帶咗我入去，行咗幾步擰返轉頭見到我老竇，佢係一個殘疾人，鋪咗張報紙喺地下坐喺街邊、坐喺部單車隔離，等我睇完出嚟。我已經入咗閘㗎啦，我喺閘入面沖返出嚟，『爸爸我唔去啦，你唔同我去我都唔去。』然後我老竇就有少少發憫憎：『我已經厚住面皮叫個阿姨接你入去，你都唔去！』」
入App免費拎23大商場蛇年利是封
