軒公架Range Rover被撞，車版甩咗3個字。
躋身叱咤「我最喜愛男歌手」最後五強的張敬軒，今日(29日)中午於IG上載短片並留言：「兩個禮拜前俾人哋撞埋嚟，感恩Derek同我都冇事。」短片見到軒公部Range Rover座駕前泵把、鬼面罩、頭燈損壞，情況不算嚴重，但軒公在文中顯得好煩惱，「噚日車廠通知部車整返要8至10個禮拜，第一下係有啲灰嘅，不過諗落人生就係咁㗎啦，有啲嘢日dut喺你面前，隨時喺度，你又覺得好似老馮咁。到佢唔再應份咁樣存在嘅時候，你先至知道佢對於你嚟講嘅意義同影響。」
頭燈同鬼面罩甩埋，原廠零件超貴。
軒公預告寫聖誕揮春派俾街坊。
接受更多開心事
一宗輕微意外，令軒公啟發更多，繼續在po留下近千字文講人生道理。「越識得珍惜，好嘅事物就會向你行埋嚟。多謝令我擁有呢一啲嘢，我已經準備好接受更多開心嘅、好嘅事發生啦，你幫我安排啦。」軒公最後話，如果大家遇上困擾，不如試下佢方法。及後，軒公再出po留言：「明天起，我會無定向無喇喇為各位街坊義務寫聖誕揮春同義務量血壓，祝大家身體健康、心想事成。」
amJetso 送BIODERMA救星小紅瓶🩷護膚恩物 立即按此參加👇
