眾人為56歲的吳君如補祝生日。
吳君如、張繼聰、柳應廷、梁仲恆、蘇樺偉和母親等，前晚出席電影《媽媽的神奇小子》首映禮，眾人並為吳君如補祝生日。
張繼聰指兒子張瞻是「鏡粉」偶像是柳應廷，又說囝囝從前只愛聽外語歌，近日卻不停聽MIRROR的歌，問到張瞻有否聽他的歌，張繼聰說︰「唔好提啦！知佢不停聽柳應廷新歌《砂之器》，佢話聽咗超過100次。我同佢講首歌係小克填詞，佢話要聽多100次。我以前唱嘅歌其實都係小克填詞，年輕人肯接觸廣東歌都係好事。」
對於張繼聰的控訴，柳應廷稱：「唔覺聰哥葡萄喎！我有聽聰哥嘅歌，佢嘅演技值得我學習。我都要試下喜劇路線，放低偶像包袱，做多啲令人開心嘅事。」
