張繼聰在沙灘遇到一班後生仔，他們叫阿聰做張敬軒。
繼許志安被認錯杜德偉、連詩雅與衛詩雅分不清之後，張繼聰昨日在社交平台自爆日前行沙灘被人認錯做張敬軒，他把這段搞笑的經歷公開，Edan呂爵安亦搞笑留言：「軒仔做咩唔剃鬚」不少網民笑謂二人外形大同，難以想像為何會搞錯，但阿聰在內文就提到森美也經常叫他做張敬軒，認真搞笑！
有後生仔貼出合照，張繼聰搞笑問對方知不知道他是誰。
張繼聰透露在沙灘遇到一班後生仔，他們的反應當然是見到明星般興奮。他說︰「我老婆聽到班年輕人話：『嘩，張敬軒吖』 我ok吖，慣咗，森美大哥都係近排先冇再叫我軒仔。」他續指後生仔找他拍照時，打算跟他們說︰「記得投我一票我最喜愛男歌手」沒想到他們竟然表示很愛看《飯戲攻心》，他續說到︰「當然都唔排除，佢哋以為飾演二佬嘅係軒仔。」
他亦tag了張敬軒的社交帳戶，笑言：「放心，下次有人再認錯我，我唔會特登喺佢哋面前講粗口，仲可能會除衫咁佢哋就會話張敬軒真人好斯文同埋好大隻」。其後有網民貼出跟張繼聰在沙灘的合照，表示沒想過會遇到他，而張繼聰就留言問對方知不知道他是誰，非常搞笑。其實周秀娜於電影《女皇撞到正》煞科期間，曾一時口快將張繼聰叫了做張敬軒，阿聰之後扮嬲走開非常搞笑。其實張敬軒就曾透露張繼聰是他的表舅父，以前也試過扮他拍片。
amJetso 送BIODERMA救星小紅瓶🩷護膚恩物 立即按此參加👇
