兩人結婚18年繼續恩愛。
張繼聰和謝安琪(Kay)是圈中數一數二的模範夫妻，適逢今日(20日)是二人的結婚18周年紀念日，張繼聰一如以往貼相放閃，今次就大晒與Kay在18年前的結婚錫錫相。
張繼聰在IG除貼出二人在大草原做出心心手勢的倒影，當中有一張是18年前的結婚照；相中見Kay穿婚紗披頭紗，張繼聰以白色西裝上陣，肉緊攬Kay情深咀嘴，畫面溫馨甜蜜。
阿聰Kay結婚咁耐依然愛晒sweet。
阿聰說過婚姻要保鮮，所以經常會搞新意思。
世界美好只因Kay
張繼聰冧爆寫道：「18年前嘅今日，開始咗依段旅程，我哋手拖住手，戰勝驚濤駭浪嘅挑戰，生活日常嘅小確幸……四處遊玩，為無聊嘅瑣事大笑一餐，陪我哋小朋友行過唔同嘅階段，就係我夢寐以求嘅人生。」他表示因為Kay，睇到呢個世界嘅美好：「Thank you baby，仲有更多精彩同好玩嘅嘢等住我哋，啾咪#happyaniversary」Kay亦轉發帖文，並留言：「Love you bibi」網民紛紛留言：「閃盲」、「很難得的一對 恩愛如初」、「找到愛的人，一世都甜蜜」等，並為二人送上祝福。
入App免費拎23大商場蛇年利是封
