吳浩康為張致恒出頭，獲網民讚有義氣。
張致恒(Steven)欠下一身債，但仍與雯雯無視經濟條件再生第4個，令網民譁然，更批評他們二人不負責任。日前更有網民拍下Steven到小食店打工的情況，有人認為以他的條件其實可以找其他工作，以換取更高收入，亦有網民嘲笑Steven的遭遇。當大家熱烈討論花生mode之際，吳浩康留言說︰「我好想知樓主係做咩職業？搵緊幾多錢？職業無分貴賤，xx工？你攞你自己份工出嚟講吓先啦！」
由於帳戶有藍tick認證，所以是吳浩康本人留言，其後他再回覆說︰「我知佢好差，但佢係我朋友。」有網民大讚他的舉動，夠義氣。吳浩康與張致恒曾於英皇共事，更先後與鍾舒漫拍拖，但吳浩康與張致恒同樣因為偷食而與鍾舒漫分手。二人同被冠上「賤男」之名，但吳浩康與郭思琳結婚兼做爸爸之後，整個人都180度大轉變，變成住家男人。
吳浩康為張致恒出頭。
鍾舒漫先後與張致恒及吳浩康拍拖，但男方都是因為偷食而分手。
吳浩康最終情歸郭思琳。
🎁 amJetso請你睇《焚城》，快Ｄ開APP玩👇 👇
