張致恒老婆區燕雯不時跟網民傾偈。
張致恒老婆區燕雯為賺錢養家，連開兩間網店售賣寵物零食及童裝。雯雯閒時會在網上開設「你問我答」環節，除了分享網民鼓勵她的留言外，也會回應網民的問題。有網民問到她現時情況，雯雯表示仍在苦惱搵地方搬，就算睇中合適地點，也因為金錢問題而未能搬離現址，並透露經濟問題一直未有改善。
自覺小朋友生活開心
有網民建議她申請公屋，但雯雯指出因為有3隻狗而打消念頭，更強調自己無時間理會別人，即老公張致恒，只求做好自己。對於有網民指她沒有錢仍要生小朋友，她認為是自己選擇便要承受及面對，並自言沒有埋怨別人，她也好努力生活，「我相信我嘅小朋友喺其他方面得到嘅，一定比外面嘅小朋友多，呢個世界冇人係完美，亦都冇嘢係完美。至少我嘅小朋友依家係開心，每日都有好多笑聲。我同佢哋條路好長，冇人知聽日發生咩事，至少我一直努力緊。」
有網民質疑雯雯是賣慘博同情，她反擊說︰「如果呢個世界真係可以賣慘博同情，就有人幫你解決所有問題，咁呢個世界就唔會有咁多窮人。再講，如果幫襯一兩張單，就可以解決所有問題，咁我每日應該瞓得好好。」
🎁 amJetso請你睇《焚城》，快Ｄ開APP玩👇 👇
