王君馨自資6位數推出新歌《Casada》，不但參與作曲及填詞，更推出MV於YouTube上播放，質素比不少自稱專業的歌手更有水準，並成功打入903歌曲榜第二位。王君馨與王梓軒於IG進行直播，談到新歌及婚後新性感形象：「拍《Casada》MV學咗好多製作技巧，好似攝影、燈光、舞蹈、拍攝過程，發覺自己對MV拍攝有好大興趣！嚟緊想拍多幾個導演同camera man，有可能試下做MV導演。」王梓軒表示支持，並稱新歌會找王君馨初執導。
王梓軒指，王君馨今次在《Casada》的歌音，較5年前他們合作歌曲《隱型》時溫柔，問王君馨為何歌藝大進，她說：「今次唱出嚟，想要有一把舒服嘅聲，好似平時同老公傾偈咁，或者同老公撒嬌時把聲。可能拍戲關係，我較容易搵聲，因為唔同嘅角色會用唔同嘅聲線，不過唱歌係要慢慢去浸、去搵一把屬於自己嘅聲音。」
入App免費換走健康產品
