出道時被譽為「張國榮接班人」的黃翊，在張國榮(Leslie)逝世16周年接受車淑梅訪問，分享與Leslie的往事，黃翊說：「最想同Leslie講一句『好掛住你！』」不過，他表示不會出席任何紀念活動，正如當年沒有出席Leslie喪禮一樣，因不想別人以為他「博咩」，他說：「第一次見到張國榮嗰陣，已經加入咗樂壇。當時唱片公司嘅春茗，推門就見到張國榮、陳潔靈、麥潔文三位巨星，喺度『鋤大Dee』，Leslie要我加入一齊玩，大家一齊坐，我好驚，心卜卜跳，我發覺哥哥好似被一道紅光包住，好似一個防護罩。
其實有人話Leslie脂粉味重，但我見他成面鬚根，好Man，一件過頭笠冷衫摺起衫袖，爛鬼牛仔褲，就好似一陣好勁嘅不羈的風湧過嚟！我明明有三條Dee都要炒，因為我真係暈晒浪，好彩我哋只係玩、冇計錢。」
立即更新/下載AM730手機APP 體驗升級功能
