張明偉以Charming Way主音身份首次參加記招。(娛樂組攝)
今年《新城勁爆頒獎禮2024》破天荒樂壇與體壇結合，向所有出戰奧運及殘疾人奧運會(殘奧)的香港運動健兒、香港體壇每一位運動員，與及為樂壇付出的每位歌手及創作者、幕後功臣致以敬意。張明偉以Charming Way主音身份首次參加記招，表示心情很興奮，對獎項隨心，最重要做到好音樂，坦言在香港做音樂不容易，希望大家可以多些支持。
張明偉透露Charming Way有意出碟。(娛樂組攝)
一提許倚榕硬晒軚
他表示Charming Way未來會改變一些創作方向，可能推出甜蜜曲風，並希望可以出碟。他透露有份拍Hoy TV劇集《我愛九龍城》，開心見到舊同事。提到女友許倚榕為他拍MV，問到日後會否推出合唱，張明偉隨即hang機，更一度笑過不停。
他說︰「其實都好感恩可以邀請到佢，我都唔知自己講咩好，哈！總之開心啦！一齊唱歌、拍嘢唔敢講，配音囉！我唔會逼佢嘅！」再問到許倚榕拍MV是否收情侶價，他說︰「友情利是囉！開工要出人工，利是都有一封嘅！(有冇好好慰勞佢？)慰勞方面呢……哈哈哈！救命！我會盡我能力去慰勞佢！哈哈！」
張明偉承認是經李麗珍介紹下認識許倚榕。
多謝李麗珍生許倚榕
他表示一向沒有刻意隱瞞或公開，一切順其自然，都很開心得到大家祝福。提到許倚榕媽媽李麗珍大開綠燈，而且更公開大讚他，張明偉承認是經李麗珍介紹下認識許倚榕。他說︰「我係認識佢媽媽先嘅，不嬲都覺得媽媽好正，有機會認識佢個女，發覺仲正，所以我哋相處好愉快。(有冇事前同李麗珍講？) 我個人比較認真，唔敢話追，但都有請示咗先。(李麗珍有冇叫你放馬去追？)佢又無叫我放馬去嘅，哈哈！(佢有冇助你一馬？)無呀！佢生個咁好嘅女已經係最大嘅幫助。哈哈哈！非常滿意(女朋友)！」
張明偉不願透露為女友準備的聖誕驚喜。(娛樂組攝)
立即更新/下載AM730手機APP 體驗升級功能
