新型冠狀病毒肺炎在歐美等地爆發，其中英國採取「群體免疫法」，不少港人擔心在當地升學的子女健康，急忙召他們回港。張堅庭亦讓在倫敦讀書的女兒張一諾返港，有人質疑他上月促港府封關，如今安排女兒返港，批評他做人雙重標準。
張堅庭就網民的批評，在網上連發兩則帖文及拍片解釋。他在片中說道︰「我要女兒回港係咪雙重標準？我反問一句，點解我哋要派包機去武漢接港人回港？當我哋接佢哋回港，點解唔接埋佢哋啲親戚返嚟？點解只接香港人返嚟？呢個係咪雙重標準？你救人，點解救啲唔救啲？」他又指促港府封關，是以香港人身份，以大眾利益依歸作為一個標準，「希望可以好緊急地盡公民權利，叫政府封關。」
他在片中提到英國當地的防疫意識不明顯，加上女兒的身體狀況沒有問題，於是叫她回港︰「我係喺爸爸嘅立場，安排佢盡早返嚟，等我哋可以照顧佢。」他續稱其餘在英國有好多香港學生，因為他們是香港人，所以仍有權返港。儘管張堅庭的女兒不必接受14天家居檢疫，但他要求女兒必須執行︰「佢要全程戴口罩，同任何人接觸都要保持一定嘅距離，呢個係香港人嘅責任、香港人應該有嘅利益，同埋做人爸爸嘅責任，有咩問題呀？我唔覺得有問題！呢個係雙重標準，香港人享受一啲標準比其他人冇，都係一個雙重標準。作為一個爸爸，一個香港公民，我做錯咩呢？」
張堅庭在片中與女兒大談英國情況。
入App免費換走健康產品
