姜濤拍完兩套電影後，演技魂似乎燃燒起來，近日再次聯同好兄弟Dee哥何啟華、「ViuTv一哥」強尼以及肥腸（徐浩昌）深入藥廠重地拍攝微電影，合力大放笑彈之餘，更加鬥戲連場，展開一場明爭暗鬥、波譎雲詭的職場上位實錄。而今次這套微電影及預告片發佈短短10日，已經有近百萬點擊率，姜糖及雯雯們認真給力呀！
今次在微電影中由姜B「升呢」變姜Man，飾演新入職的藥廠sales小薯，第一日開工與「腦細」強尼見面就大談「我的志願」是希望令更多男士知道預防HPV的重要性。強尼見姜Man胸懷大志、信心十足，當然即刻派任務俾佢小試牛刀。
到底姜Man可唔可以順利完成強尼指派嘅第一個任務？
姜Man第一個任務就要面對出名「蹺口巉手」的男姑娘，肥腸等人自然「食住花生等睇戲」，正當人人都以為姜Man今次會「壯烈犧牲」時，強尼決定動之以情，說之以理，助姜Man一臂之力！而姜Man憑住開足全場外掛的顏值、恆久不枯般堅定的眼神，最終成功感動男姑娘，俾佢入房見醫生。
呢個恆久不枯般堅定嘅眼神，完美演繹出身為男人應有嘅毅力。
Dee哥一人分飾兩角 華夏神功新招式登場
演技魂被燃燒起來的除了姜濤，當然還有好戲之人Dee哥。今次Dee哥於微電影中一人分飾兩角，先做「送水一哥」再去應徵藥廠sales，勢要加入藥廠同姜濤一決高下！為了「見好呢份工」，Dee哥可謂出盡混身解數應付強尼的考驗，接連使出多招從未曝光的「華夏神功」：「焫著鳳凰鳥」、「鳳凰憤怒鳥」、「鳳凰夠『姜』鳥」，最後使出「鳳凰MAN爆鳥」時更突發爆衫，露出底牌——夠「姜」真漢子之姜濤T恤！難道「姜濤上身」，有得加分？
為咗份工，Dee哥不惜使出多招從未曝光嘅「華夏神功」。
即睇拍攝當日現場爆笑NG片：https://bit.ly/3y6sZYP
姜糖準備打卡！附姜Man宣傳車出沒時間表
姜B升呢變姜Man咁大件事，梗係要賀一賀佢！由即日起至12月31日，姜Man宣傳車將會穿梭港九新界不同地方，姜糖們想野生捕獲姜Man，就記得Follow fight.hpv，留意出沒時間表喇！
amJetso 送BIODERMA救星小紅瓶🩷護膚恩物 立即按此參加👇
