黎寬怡今年2月嫁從事攝影的圈外男友Sing。
《東張西望》長腿女神黎寬怡（貓仔）今年2月下嫁圈外從事攝影的男友Sing，不過日前她在社交網透露發生家居意外，流血不止要到醫院求醫，更在醫院等足8小時。
貓仔在Ig 限時動態發文透露事發經過，她表示用完結婚禮物之一的玻璃杯後去廚房清洗時，不慎跣手打爛，更割傷右手手指公拇，並即埸血濺鋅盤，相當嚇人。由於一直無法止血，老公又不在身邊，貓仔最後搵妹妹陪同急急去醫院求醫。
貓仔去醫院途中將右手手指公包實，在路上伸起手指公，受傷的她還懂得講笑表示好像邊行邊畀Like一樣，更形容自己就如執起火炬「更加似傻婆」，非常搞笑。在醫院足足等了8小時後，貓仔終於成功洗傷口，及後她再發文報平安表示：「頭碘(血)流得有啲急，一時之間唔係好止到…再加埋驚入邊有殘餘玻璃碎，所以同細妹飛咗出廣華睇急症。醫生睇咗話傷口好淺啫，又照咗X-RAY護士話睇唔到入面有嘢…所以打咗支破傷風劑就走得。因為真係好小事屬次等級(第四類)輪候，所以由凌晨12點等到今朝8點先洗傷口。」
限時早鳥優惠 火速訂位 | am730母親節溫馨晚宴 $5000福袋等你拎!
