李樂詩、林子善等前日為節目《流行經典50年》錄影，林子善說：「呢次上節目都是嚟還修哥(胡楓)嘅人情，修哥好錫我㗎，我第一部劇集就係同佢合作，我結婚佢都有嚟，所以一定要嚟節目支持佢。」林子善笑言自己唱歌很難聽，亦沒有特別練習過，並說：「揀咗黎明、郭富城嘅歌嚟唱，不過就唔會跳舞。」問到其妻有否聽過他唱歌，林子善表示：「佢有聽過，覺得好一般囉，因為我身邊好多朋友唱歌都好好聽。」講到太太的身體狀況，他續說：「狀態好好，佢之前成日流鼻血嚇親我，原來孕婦流鼻血係好正常，不過我太太好獨立、好堅強。」
李樂詩透露，希望下年實行新音樂計劃，她說：「因為街上遇過好多fans，都問我幾時再唱歌，不過我依家忙住照顧小朋友，得閒先會表演，我自己心思思㗎，睇下寫唔寫到新歌，同大家分享一下。」
入App免費換走健康產品
