林師傑離開無綫之後，日前現身香港開電視，接受馬梓軒專訪，分享轉型為獨立音樂人的苦與樂，更坦言渴望成為人父：「我好想生個女呀！想咗幾年啦！之前新聞都傳過兩次我太太歐陽巧瑩懷孕，但都仲未生到，哈哈！其實造人方面一直計劃緊，個計劃從來冇停過！不過現時工作上樣樣嘢都要一腳踢，的確少咗時間陪太太！」
林師傑稱新歌《尊悲不分》早於五年前已寫好，用以記錄自己的心情和無力感，但當時未有機會推出：「當時我有將首歌畀舊公司聽，但原來我要起碼寫200首歌，先可能被揀中一首！好多人問我點解要堅持做音樂，對我嚟講其實好簡單，因為我冇得揀，呢樣係我嘅生計！而呢首歌正係表達自己嘅心情，話畀大家知我當時心情有幾咁沉重！」
amJetso 送BIODERMA救星小紅瓶🩷護膚恩物 立即按此參加👇
