林景程與黃建東一齊爭「飛躍進步男藝員」，兩個講明好想拎。(娛樂組攝)
《黑色月光》昨日播出大結局，楊茜堯、林夏薇連同監製鍾澍佳、關文深一齊請台前幕後食飯兼一齊睇電視。有份參演的林景程及黃建東均有出席，二人同樣有份入圍角逐今年的《飛躍進步男藝員》，林景程憑《反黑英雄》和《黑色月光》入圍角逐「最佳男配角」。
林景程與黃建東一齊參與《黑色月光》，但前者很快就領便當。(娛樂組攝)
林景程黃建東恨拎男飛躍
他們接受訪問時互笠高帽，笑謂會互相投票。黃建東更表示會投林景程「男配角」一票，他說︰「佢係呼聲曼高，好值得擁有呢個獎！(咁男飛躍呢？)你拎咗男配就唔好咁貪心呀！你唔好同我呢啲後輩爭啦！雖然我年紀最大角逐，但資歷係佢後輩！我細細個睇佢啦！」林景程聞言說︰「講到依家拎硬咁，咩細細個，你邊係我後輩呀！」黃建東續謂林景程是一位勤力及有實力的演員，自己是很欣賞對方，是很值得學習的演員。
林景程盼獲觀眾公司認同
林景程就表示最想拎「男飛躍」，他說︰「作為一個演員，每年都有新嘢去進步、挑戰自己，『飛躍進步』個含意好重要，因為係話俾我聽，有人見到自己進步，對一個演員係好重要。」提到去年他是男飛躍大熱門，有不少人對他未能奪獎感到失望，問到今年信心大不大，他表示自己最在意觀眾如何看自己，當然獎項也很重要，但觀眾、公司的認同更重要。
林景程認「飛躍進步男藝員」是非常有意義的獎項。(娛樂組攝)
黃建東透過檢討令自己進步
黃建東提到今年最開心可以參與《福祿壽訓練學院》，他說︰「我係好享受個真人騷環節，我差唔多集集都喊，拍完先知自己係咁感性！」林景程說︰「你可以拍多啲喊戲！」黃建東續說每次的演出都有檢討自己的表現，他稱像《福祿壽訓練學院》決賽，他扮演了「真人版Ken」，可能扮演本地一個角色可能更突出，如關嘉敏扮《中年好聲音2》的譚輝智。
黃建東表示每次演出完後，都會檢討自己的不足。(娛樂組)
問到林景程來年想挑戰甚麼，他表示過去都有計劃過，但像今次鍾澍佳安排他扮演何廣沛的父親，連他自己也想不到，坦言收到《黑色月光》劇本時，都不禁問自己能否駕馭到，因此期待之後鍾澍佳的安排。
談到黃建東愈來愈瘦，有網民擔憂他會患上厭食症，他自言是易肥體質，所以著大家不要太擔心，只要食完兩杯雪糕便會體重上升。
林景程與黃建東一齊爭「飛躍進步男藝員」，兩個講明好想拎。(娛樂組攝)
立即更新/下載AM730手機APP 體驗升級功能
