林智樂表示入職場要控制自己情緒避免衝動 。
歌手林智樂（Felix）日前接受新城《勁爆樂勢力》訪問，宣傳新歌《年輪海》，Felix透露新歌並非情歌，而是一首關於時間和成長類別的歌曲，他稱：「監製Cousin Fung叫我錄音時，當自己係一個好老嘅人，喺棵樹下分享自己嘅故事畀一班天真爛漫嘅小朋友聽，我聽到佢咁講就好有感覺，嗰一take覺得自己唱得最好嘅。」
入行超過兩年，20歲的Felix直言過往未曾正式進入過職場，所以一路走來都戰戰兢兢，他稱：「要控制自己情緒同避免衝動，我有時會好冷靜，但有時都頗衝動，因為自己冇真正入過職場，所有人都好似訓練緊自己，當然遇過好人、貴人同畀磨練你嘅人，每段經歷受過教訓後，就會知道點樣避開佢。」
談到在《年輪海》MV中扮牛仔布裁縫師，Felix透露今次首歌係講時間同成長，於是諗到牛仔布都要經歷好多重洗水、染、剪先成為大家見到的牛仔褲。而MV 更有林德信驚喜現身，對於為何邀請對方演出？Felix表示公司得悉對方熱愛牛仔時裝，對牛仔布亦甚有研究，故提議找他演出，Felix稱：「我話如果Alex肯當然好啦，跟住佢又OK，於是佢嘅出現就成為呢個MV嘅彩蛋。」
林智樂新歌MV邀林德信驚喜現身。
amJetso 送BIODERMA救星小紅瓶🩷護膚恩物 立即按此參加👇
