林熙蕾49歲胸前鏤空晚裝狀態大勇 巴黎時裝周鍊贏好姊妹舒淇？
千禧年代由台灣打入香港嘅女神級藝人林熙蕾，14年前與成衣商人楊晨結婚並育有兩女，已經鮮有幕前演出，更遑論性感示人。不過早前喺巴黎時裝周，林熙蕾獲台灣時裝品牌邀請去睇show，穿上一套胸前以3個蝴蝶結營造開窿效果嘅連身套裝示人，輕輕「讓球」已經相當吸睛，狀態大勇之餘更別具性感女人味，完全睇唔出林熙蕾下年就「入五」！
同林熙蕾相當老友嘅舒淇今年都有去巴黎時裝周，主要係為相識多年嘅設計師Haider Ackermann主理嘅Tom Ford新一季fashion show撐場。舒淇以透視裝現身保持一貫水準，但係論擔眼度，呢round林熙蕾冇得輸。
49歲嘅林熙蕾前年參演王家衛劇集《繁花》而再現幕前，現時經理人正正係蕭敬騰老婆Summer林有慧。而蕭敬騰同林熙蕾原來相識多年﹐老蕭更加係林熙蕾2個女嘅契爺。
原文刊登於 Yahoo 娛樂圈
立即更新/下載AM730手機APP 體驗升級功能
