麥紫莉昨日到商場宣傳個人寫真。
林雅詩強調錫身，不會拍AV。
麥紫莉、林雅詩及曹思詩，昨日在西九龍中心出席個人寫真祭活動，3人即場為寫真集簽名。提到麥紫莉將會到日本拍AV，引起不少網民勸告，她直言：「總會有支持同唔支持，兼顧唔到所有人嘅諗法。」
提到現時是否知道AV的拍攝內容，她笑言：「我知，但因為商業機密，暫時不能透露，（酬勞如何？)酬勞方面我係好滿意嘅。(是否會涉及真實做愛？)依家傾緊，我相信公司會幫我談妥，(若到時真的涉及呢？)嗯……都係交俾公司幫我傾，暫時都未知。(媽媽知不知道你拍AV？)佢知，(佢支持你？)做媽媽嘅都唔會支持，我唔想多講屋企人。」
問到林雅詩對麥紫莉拍AV的看法，她笑言：「佢係拍MV定AV？我唔係好清楚。(她是拍AV)咁梗係唔好，全世界嘅人都睇到，將來老公會有唔好嘅感覺，希望佢拍之前要好好考慮清楚。(你自己會接拍AV嗎？)一定唔會，我幾愛惜自己身體。」至於身上的傷疤，林雅詩解釋：「今次寫真係以迷失為主題，想將最真實嘅自己展現俾大家，(點解會𠝹傷？)過去有啲唔開心嘅經歷。」在旁的經紀人馬天樂表示，林雅詩是在百忙中抽空拍今次寫真，之後她會忙於拍電影，所以今次寫真可以說是一個總結。
麥紫莉不肯透露拍攝內容。
🎁 amJetso請你睇《焚城》，快Ｄ開APP玩👇 👇
