2025-01-29 18:51:34

梁朝偉接拍杜琪峯黑幫新片今日北海道睇景暫定2027年上映

賣座港片《九龍城寨之圍城》本月剛在日本上映，令當地影迷及傳媒再次注意到港片文化，近日更有日媒獨家爆料，指杜琪峯會執導一部黑幫電影，並會由梁朝偉擔任主角，該片會以北海道作主要取景地，將於下個冬天開鏡，安排2027年上映。

據《北海道新聞》報道，杜琪峯與梁朝偉將會再度合作，電影會是杜Sir擅長的黑幫題材，是一套講述香港黑社會鬥爭的動作片，導演今日（29日）起率團隊會在札幌市及其他地方睇景，為新片物色理想場地進行拍攝。

與武田航平驚喜同框

梁朝偉跟杜Sir已先後三度合作，包括杜Sir跟戚其義聯合執導的1991年電影《沙灘仔與周師奶》、1992年的《踢到寶》、1998年上映的《暗花》，而《暗花》當年是由游達志執導，之後由杜Sir接手，並與韋家輝聯合監製。去年，梁朝偉出席活動談及接拍新戲，他表示：「最近睇過一啲劇本，任何類型題材都有興趣，只要班底係我鍾意就得。」近年長居日本的梁朝偉，在日本演藝界擁有一定地位，去年獲委任成為東京國際電影節的評審主席，更吸納一班星級fans，繼相約妻夫木聰、藤岡靛等日本男神飯局後，日前又跟BL劇《經典杯子蛋糕》主角武田航平驚喜同框，足見深受當地藝人歡迎及尊敬。