梁朝偉低調現身銅鑼灣街頭被野生捕獲 網民：認唔出
現年62歲影帝梁朝偉入行超過四十年，拍過無數燴炙人口嘅經典電影，憑無庸置疑演技及電力十足嘅迷人眼神，魅力風靡全球。前日（19日）有網民喺社交網站上載一條喺銅鑼灣街頭偶遇梁朝偉嘅影片，不過低調現身嘅偉仔就被網民指認唔出。
網民：「銅鑼灣偶遇影帝梁朝偉！」
前日（19日）有網民喺社交網站上載一條喺銅鑼灣街頭偶遇梁朝偉嘅影片，並留言：「銅鑼灣偶遇影帝梁朝偉！」喺片中，戴上黑超嘅梁朝偉穿寶藍色運動外套配上黑色長褲，打扮非常低調咁喺銅鑼灣街頭現身。出名係「I」人嘅梁朝偉雙手緊握電話，然後極速越過人群，疑似進入奢侈品首飾店，之後拎住白色紙袋步出店舖，快速上停泊喺路邊嘅黑色車。影片出街後，唔少網民都表示唔認得佢。
原文刊登於 Yahoo 娛樂圈
立即更新/下載AM730手機APP 體驗升級功能
