梁靖琪進軍飲食界。
梁靖琪聯同老字號品牌文樂園合作推出月餅，她說：「我好鍾意煮嘢食，不如試一試做月餅，我一向好重視家庭聚會，中秋呢啲節日傳統上都是一家人團圓食飯，切月餅開開心心，成個感覺好好，於是就拍板做。」她又指家中的長輩年紀不少，爸爸又有糖尿，於是今次使用用海藻糖代替白糖，令糖份減半，令大家食得健康。
梁靖琪整的月餅獲好姊妹力撐。
創新口味來自老公
Toby亦不忘氹老公開心，特意在月餅加入非傳統味道，就是老公的至愛口味：「老公好鍾意斑蘭味蛋糕，所以我提議月餅師傳不如試吓做呢隻味，點知效果出嚟真係perfect match。」Toby今次揀選跟有逾七十年歷史的文樂園合作，一來老字號，二來之前曾經合作，值得信賴。
計劃推應節食品
Toby指整月餅原來絕不簡單︰「我雖然平時喜歡下廚，但唔係成日整甜嘢，所以完全被考起，大家見到整月餅，一啲都唔容易，我學咗一段時間，但本身手腳不協調，絕對有進步空間，不過唔緊要，我去學做餅的主要目的，是希望對自己生意更清楚了解。」今次Toby生招牌做月餅，好姊妹「七魔女」當然非常支持，為她打下強心針。她計劃日後在不同節日，如聖誕節、新年推出不同產品等大家品嚐。
梁靖琪計劃日後推出應節食品。
入App免費換走健康產品
