楊明、蔡思貝、張達倫等人今日身穿機動部隊制服（PTU）為《警察故事》拍攝。二人提到早前拍攝一場胡椒噴霧的戲，他們異口同聲說被噴中的感覺，非常難受，更形容「好似辣椒油、辣椒醬、辣椒仔撈埋一齊咁」。
楊明說由開拍知道有這場戲時，已經想試下被噴胡椒噴霧的感覺。他說：「當日拍嘅時候，好多阿Sir叫我哋三思，話好辛苦，但每個PTU都要親身體驗，所以我哋都好想親身去感受下。我有合埋眼，淨係噴個額頭，但流落嚟嘅感覺好『嗱』。」
蔡思貝指用噴胡椒噴霧射她的警官，是一名神射手，所以射得好中。她說：「阿Sir好厲害，毫無保留地向我雙眼射去，我已合埋眼，以為洗一洗無事，射完之後，隻眼好腫，仲要再看大字報，先可以洗眼，當時好暈，感覺麻痺，行去洗眼嗰陣，直情呼吸都有困難。」
飾演PTU沙展的張達倫，雖然不用感受「胡椒噴霧」滋味，但要親身上陣拿起重達17磅的防暴盾牌練跑，慶幸平日經常抱起現重22磅的兒子，所以訓練有素，拍攝辛苦也頂得住。
立即更新/下載AM730手機APP 體驗升級功能
